သားဥအိမ်ကင်ဆာသည်
ရောဂါဖြစ်စေနိုင်သော အန္တရာယ်အချက်များ
သားဥအိမ်ကင်ဆာသည် အမျိုးသမီးများတွေ တွေ့ရလေ့ရှိသော ရင်သားကင်ဆာ၊ အူမကြီးကင်ဆာ၊ သားအိမ်ခေါင်းကင်ဆာ၊ အဆုတ်ကင်ဆာ၊ သားအိမ်ကင်ဆာနှင့် အစာအိမ်ကင်ဆာ စသောကင်ဆာရောဂါများအနက် သတ္တမမြောက် အဖြစ်များဆုံးကင်ဆာဖြစ်ပါသည်။ ထိုင်းနိုင်ငံတွင် ၂၀၁၃ စစ်တမ်းများအရ ကင်ဆာရောဂါခံစားရသူ ၂၆၀၀ တွင် တစ်ဝက်ခန့်သည် သားဥအိမ်ကင်ဆာဖြင့် နှစ်စဉ်သေဆုံးနေကြောင်း တွေ့ရှိရပါသည်။ သားဥအိမ်ကင်ဆာသည် အသက်အရွယ်မရွေးဖြစ်နိုင်သော်လည်း အများစုမှာ အသက် ၄၀–၆၀ ကြားတွင် တွေ့ရတတ်ပါသည်။
ရောဂါဖြစ်စေသော အကြောင်းရင်းများ
သားဥအိမ်ကင်ဆာဖြစ်ရသည့် အကြောင်းအရင်းကို သေချာစွာမသိရှိရသေးသော်လည်း ၁၀ ရာခိုင်နှုန်ူးခန့်သည် မျိုးရိုးဗီဇကြောင့်ဟု ယူဆနိုင်ပါသည်။
ရောဂါလက္ခဏာများ
အကျိတ်များ၊ အစာအိမ်တင်းခြင်း၊ အစာမကြေဖြစ်ခြင်း၊ နာတာရှည်ဝမ်းဗိုက်နာခြင်း၊ အစာစားချင်စိတ်မရှိခြင်း၊ ရုတ်တရက် ကိုယ်အလေးချိန်ကျဆင်းခြင်း။
ရောဂါအမည်
ကျန်းမာရေးစစ်ဆေးခြင်း ( Health check-up ) ၊ သားအိမ်ခေါင်းကင်ဆာစစ်ဆေးခြင်း ( pap smear )၊ အာထရာဆောင်းဖြင့်စစ်ဆေးခြင်း ( ultrasound )၊ ကွန်ပြူတာဓာတ်မှန်ရိုက်ခြင်း ( CT scan )၊ သွေးစစ်ဆေးခြင်း ( blood tests) ။
ကုသမှု
ကုသနိုင်သည့် နည်းလမ်းများ
- ခွဲစိတ်ကုသခြင်းနှင့် မှန်ပြောင်းဖြင့် ခွဲစိတ်ကုသခြင်း – သားအိမ်ခေါင်းခွဲစိတ်ခြင်း၊ သားဥအိမ်ခွဲစိတ်ခြင်း၊ ဝမ်းဗိုက်ရှိ အဆီနှင့် ပြန်ရည်ကြောအကျိတ်များခွဲစိတ်ခြင်း စသည့်ကင်ဆာဆိုင်ရာခွဲစိတ်ကုသခြင်းသည် အဓိကကျသော ကုသသည့်နည်းလမ်းဖြစ်ပါသည်။
- ဓာတ်ရောင်ခြည်ဖြင့်ကုသခြင်း – အချို့သော သားဥအိမ်ကင်ဆာများသည် ဓာတ်ရောင်ခြည်ဖြင့် ကုသ၍ရနိုင်ပါသည်။
- ဓာတုကုထုံးဖြင့် ကုသခြင်း – ဓာတုကုထုံးသည် ခွဲစိတ်ကုသမှုနှင့် တွဲ၍ကုသရတတ်ပြီး သားဥအိမ်ကင်ဆာအတွက် ထိရောက်သော ကုသမှုတစ်ခုဖြစ်ပါသည်။ ၎င်းကုထုံးသည် သားဥအိမ်ကင်ဆာကို ကုသနိုင်ရန်အပြင် ကင်ဆာပြန့်နှံ့မှုကို ကာကွယ်နိုင်ရန်၊ ရောဂါလက္ခဏာများကို သက်သာစေရန်နှင့် ရောဂါပြန်ဖြစ်နိုင်ခြေကို လျှော့ချပေးနိုင်ရန်တို့အတွက် ရည်ရွယ်ပါသည်။
ကာကွယ်မှု
သားအိမ်ခေါင်းကင်ဆာ စစ်ဆေးခြင်းနှင့် အခြားစစ်ဆေးစမ်းသပ်မှုများ အပါအဝင် အနည်းဆုံး ၁ နှစ် ၁ ကြိမ် ကျန်းမာရေး စစ်ဆေးမှုပြုလုပ်ပေးသင့်ပါသည်။
ကျွမ်းကျင်ဌာန
ကင်ဆာစောင့်ရှောက်မှုတွင် ကျွမ်းကျင်သည့် ဆရာဝန်များ၊ ခွဲစိတ်ဆရာဝန်များနှင့် သူနာပြုများဖြစ်သည့် အပြင် အဆင့်မြင့်နည်းပညာများ၊ နိုင်ငံတကာအဆင့်မီ စံနှုန်းများဖြင့် ကျန်းမာရေးဝန်ဆောင်မှုများပေးလျက်ရှိပါသည်။
စာရေးသူ
Dr. Nuchanan Areethamsirikul
မီးယပ်ကင်ဆာ အထူးကု